Google ADS

Jepet vendimi për Fjolla Morinën

15:44 | 22 Shtator 2020
A. B.

Këngëtarja Fjolla Morina ka dalë sot para trupit gjykues në Gjykatën e Kukësit.

Kjo gjykatë ka dhënë masën e sigurisë “arrest shtëpie” për Fjollan.

Këngëtarja e njohur kosovare, u ndalua më 19 Shtator në pikën kufitare të Morinës teksa tentonte të hynte në Shqipëri. Në çantën e dorës, këngëtares iu gjet një pistoletë dhe 23 fishekë ndërsa në bagazh një pistoletë tjetër.

Në njoftimin e policisë thuhej se kontrolli i detajuar i automjetit të këngëtares është bërë “bazuar në analizën e riskut të bërë nga shërbimet e Policisë Kufitare të Morinës dhe në informacionet e marra nga Policia Kriminale e DVP Kukës”.

Si për ironi të fatit, automjeti “Audi Q7” me të cilin, Fjolla u ndalua, iu dhurua vetëm disa ditë më parë nga një person, identitetin e të cilit ajo nuk e zbuloi. Në një video postuar në Instastory ajo ndau edhe momentet kur mori surprizën.

Shpërndaje në rrjete sociale

Lajmet më të lexuara

Të ngjashme

Foto lajm